“ Mening bobom va buvim – mahallaning faxri. “
Reja:
1. Kirish.
Mahalla jamiyatning ajralmas bo’lagi.
2. Asosiy qism.
a) Mahallada ibratli oilalar ravnaq topishida bobom va buvimning xizmatlari.
b) Bobomning mahalla o’g’lonlariga o’gitlari.
d) Buvimning mahallamiz qizlarining tarbiyasiga qo’shgan hissalari.
c) Vatanparvarlik ruhini taraqqiy etgan bobo-buvilarimiz.
3. Xulosa.
Mening bobom va buvim mahallaning tayanchi.
Mahalla kichik bir Vatandir. U jamiyatning ajralmas bo’lagi. Mahalla obod bo’lsa, jamiyat farovon bo’ladi yurt esa ravnaq topadi. Obod mahallalar yurtga obodlik va fayz bag’ishlaydi. Millatning urf-odatlari, an’analari, udumlari aslida mahallada shakllanadi. Biz bu dargoh bag’rida bolaligimizdan boshlab tug’ilib, mana shu dargohda tarbiya olamiz.Millatimizda keksalarni hurmat kichiklarni izzat qilish kabi insoniy fazilatlar shakllantiriladi. Bu tuyg’ularni barchasini sevimli bobojon va buvijonlarimizdan o’rganamiz. Ularning ibratli so’zlari, bizlarga qilayotgan nasihatlari hozirgi hamda kelgusi hayotimizda biz yoshlarni yetuk inson bo’lib yetishishimizga xizmat qiladi. Bobo va buvilarimiz bizning hozirgi yashayotgan tinch hayotimizga qo’shgan hissalari katta deb o’ylayman. Sababi ular urushning zahmatlarini yengib o’tib Vatanimizni mustaqillikga erishishiga yordam berdilar. Nuroniy bobojon va buvijonlarimiz tufayli biz hozir tinch vatanda yashayapmiz. Ular sababli oilalarimiz tinch, xonadonimiz fayzli va dasturxonimiz to’kin-sochindir. Mahalla bu bizning Vatanimiz. Bu vatanni toza, ozoda, ko’rkam va fayzli saqlash bu muqaddas burchimizdur. Keksalarning o’giti bilan ertalabdan ko’chalarga suv sepiladi, ko’chalar tozalab supuriladi va ko’chatlar ekiladi. Bir bolaga yetti mahalla ota-ona deganlaridek, mahallamizda farzandlar tarbiyasiga katta e’tibor qaratilgan. Mahallamizning faollaridan bo’lgan nuroniy bobojonlarimiz ba’zi-ba’zida mahallamiz o’g’lonlarini yonlariga olib pand-u nasihatlar qiladilar, agarda nojo’yi ish qilgan bo’lsalar bu ishlari xato ekanligini turli misollar bilan tushuntiradilar. Bu albatta biz yoshlarning kelajagimiz haqida o’ylashlaridan darak beradi.
Qarisi bor uyning parisi bor deganlaridek, mening buvijonim o’zlarining purhikmat maslahatlari bilan mahallamiz qizlari va ayollariga to’g’ri yo’l ko’rsatib keladilar.
Bizning mahallamizda mahalla faollari ishtirokida yig’ilishlar bo’lib turadi. Bu yig’ilishlarda mahallamizda amalga oshirilayitgan islohotlar, kundan kunga ibratli oilalar ravnaq topayotgani haqida suhbat o’tkaziladi. Hamda bularning barchasiga sababchi nuroniy bobo-buvilarimizga alohida minnatdorchilik bildiriladi.
Mahallamizdan Vatanparvarlik ruhi ufurib turadi, desam mubolag’a bo’lmaydi. Sababi bobo va buvijonlarning tarbiyasini olayotgan farzandlar kelajakda albatta Vatanparvar o’g’il-qizlar bo’lib ulg’ayishlariga ishonchim komil.
Mahallamizda kam taminlangan oilalarga mahallamiz faollari tomonidan alohida pul jamg’armalari ajratilgan. Shu o’rinda aytib o’tishim kerakki, bizga bobo-buvilarimiz yordamga muhtoj, bechora insonlarga qo’limizdan kelgancha yordam berishimiz kerakligini doim ta’kidlab o’tadilar. Biz mahallamiz bilan juda ham inoq-ahilmiz, to’y-u marakalarda doim bir-birimizga qo’limizdan kelgancha beminnat yordam beramiz. Bobo-buvalarimiz doimo hatto kichkina go’dakka ham Vatanparvarlik ruhini singdirishga harakat qilishadi. Ular bizga Vatanga sodiqlik, Vatanga muhabbat, Vatanni ulug’lash kabi tuyg’ularni turli misollar bilan tushuntiradilar. Hamda bu bizni kelajak hayotimizga yordam berishini uqtiradilar. Hozirda bizning erishayotgan yutuqlarimizda bobojon va buvijonlarimizning qo’shgan hissalari katta deb o’ylayman. Buning uchun ularga ko’pdan-ko’p minnatdorchilik bildiramiz. Prezidentimizning tashabbusi bilan 2015-yilni “Keksalarni e’zozlash yili” deb e’lon qilindi. Bu bilan keksa va nuroniy insonlarga bo’lgan hurmatni, ularga qaratilgan e’tiborni yana bir karra oshirishga muvaffaq bo’ldilar. Davlatimiz tomonidan keksalarga turli qulayliklar yaratilib berilyapti. Mahallalarda shu mavzu to’g’risida turli suhbatlar olib borilayapti, qarovchisiz qolgan keksalar uy-joy hamda pul bilan ta’minlanayapti. Har bir mahallada bo’lganidek, bizning mahallamizda ham mahalla faollari saylab olingan va ularga mahallamizda sog’lom muhitni shakllantirish, farzandlarga to’g’ri tarbiya berish ma’suliyati yuklangan. Mening bobom va buvim ham bu masalada bosh qotiradilar. Sababi ular mahallamiz faollaridan birilar. Bizning uyimizga katta-yu kichik bobo-buvim bilan suhbatlashishga, qiyin masalalarda yordam so’rashga va kichik yoshdagi bolalar turli ibratli rivoyatlar tinglashga kelib turishadi. Bobojonim va buvijonim ularga qo’llaridan kelgancha yordam berishadi.
Chirchiq shahar
5-maktab
To’raboyeva Nilufar
9-“G”